下晡 一个人踮厝内
西北雨 沃澹窗外的衫
外口的人 犹未转来
戆戆咧等 戆戆攑一支雨伞
为你 几若摆困袂去
全世界 揣袂着你的形影
凡势 会当共你放捒
气身恼命 我哪会拢无要无紧
踮遮规暝 看电火闪烁
我踮遮等待 拍无去的人
听厝内的声 声声伫咧吼
我踅来踅去 思念火烧房间
袂开的花 无欲转来的人
美丽的你啊 想着你彼当时 攑悬你的旗仔
路边的话 满街路雨纷飞
时代的变卦 孤单的我一个人 问天也毋捌
手内啥物拢无 只䞐我欲予你的爱
有血有肉的人 煞下落不明
共你的 记持啊 囥伫我的心内
骑你的 白马啊 行你欲行的路
风吹来 花落涂 点一欉香祈求
（南无GUANSHIYIN菩萨）
若准讲你 算著这出悲剧
你敢会看顾 绁落来伊头前 彼逝歹行的路
梦中的我 看你沓沓仔行
牵你的亡魂 有一工咱做伙 转去彼个所在
我 蔫去的爱（规路拢是）
佮你 恬去的心（你）
伫这乌暗时代（伫这乌暗时代）
是有缘无份（想欲讲出）
写袂了的批（的）
佮讲袂煞的话（奈何）
(亻因) 开袂完的铳（开袂完的铳）
看人去楼空（火烌犹在）
雨 微微仔落
天 微微仔光
看你 微微仔笑
后世人再会

下载链接：

提取码：